🚨🔴 المونديال ده خلّى عندنا درس لازم يتفهم… مش كل المواهب بتستناك، ولو اتأخرت هتروح لحد غيرك.
بعد أمم أفريقيا، محمد صلاح قالها بوضوح: “لو محتاجيني أساعد في ضم مزدوجي الجنسية أنا موجود.”… لكن واضح إن الرسالة ما وصلتش بالشكل المطلوب.
بص حواليك…
🇸🇳 السنغال استغلت البطولة وضمت مواهب كانت فرنسا بتحلم بيها، زي ديزيريه دوي ومامادو سار.
🇨🇮 كوت ديفوار استغلت المونديال وضمت إيفان بوني وإيلي واهي.
🇩🇿 الجزائر كانت قريبة جدًا من ضم مغناس أكليوش وريان شرقي، ونجحت بالفعل في ضم ريان آيت نوري.
🇲🇦 والمغرب؟ سوّقت لمشروعها بعد إنجاز 2022، وجددت جيل كامل، وبقت من منتخبات الصف الأول المنافسة على أي بطولة.
أما مصر… فما زلنا بنتعامل مع الملف وكأنه رفاهية، مع إن أول تجربة حقيقية أثبتت قيمته.
هيثم حسن اتأخر استدعاؤه لدرجة إنه بدأ يفكر في منتخب تاني… ولما لبس قميص مصر، احتاج ماتشين رسميين بس عشان يثبت نفسه: تألق قدام أستراليا وساهم في التأهل، وقدام الأرجنتين أربك دفاعًا مليئًا بلاعبي البريميرليج وصنع هدفًا.
الرسالة واضحة: في أوروبا عشرات المواهب اللي تقدر تضيف لمنتخب مصر، لكنهم محتاجين ناس تتابع، وتقنع، وتتحرك في الوقت المناسب.
الموهبة موجودة… الناقص هو المشروع.
🇪🇬
